wädivolley
, Schneider Betina

Teamausflug Iisböck 23

Im 2017 hämmer am Summerturnier z Bonstettä Tickets fürd Rodelbahn im Atzmännig gunnä. Da mer eus das ned händ welä entga la, hämmer die natürlich au iglöst. Demit mer eus gestärkt händ chönä ist Abentür begäh, hämmer miteme feine Brunch ide Atzmännig Lodge startet. Dänn hämmer als nägsts d Rodelbahn in Agriff gnah. Wils Wätter so schön gsi isch, hämmer dänn dänkt, mer dreihed nu es Ründeli z Fuess. Dummerwiis hämmer kes Ticket meh gha zum numal mitem Bähndli ufe z fahre, drum hämmer das dänn z Fuess gmacht, was zimmli schweisstriibend gsi isch. Zum Glück häts dobä en Beiz gha, wo mer öpis chalts händ chönä trinkä. Nachdem mer da Abstig nu erfolgrich hinter eus bracht händ, hämmer eus chli gschafft aber zfride uf dä Heiwäg gmacht.

D Föteli vo eusem Usflug findeder da.